યુવાન

   આપણે સૌ જાણીએ છીએ યુવાન એટલે શું. આપણે સૌ જાણીએ છીએ કે યુવાનની એટલે શું. પરંતુ શું આપણે એ જાણીએ છીએ કે યુવાન એટલે કોણ ? હા મિત્રો સાચું વાંચ્યું યુવાન એટલે કોણ ? કોને યુવાન કેહવો ? શું યુવાનની ઉંમર થી નક્કી થાય છે ?

      ના,યુવાન એટલે બોલેલુ, ધારેલુ કરવાની શક્તિ જેનામાં છે તે એટલે યુવાન, પણ આજના યુવાનમાં એવુ કઇ જ નથી. આજનો યુવાન ખલાસ થઇ ગયો છે. આજના યુવાન પાસે કોઇ લક્ષ્ય નથી. આજનો યુવાન તો લારી ને ગલ્લા પર જ દેખાય છે. આજના યુવાનને એ નથી પડી કે એની આજુબાજુ શું થાય છે, એ એની મસ્તીમાં જ રમતો રહ્યો છે. આજના યુવાનને કદાચ એ પણ ના ખબર હશે કે યુવાન શુ છે. હા,એટલી ખબર હશે કે અમુક ઉંમરમાં માણસ યુવાનીમાં પ્રવેશ કરે છે

       યુવાન એવો હોવો જોઈએ કે એ કે કાઇ પણ કરે તો તેની પ્રતિષ્ઠા વધે. પછી ના કે કોઇ પણ શરત રમે અને કરે. તે તો એક દેખાવ થઇ જાય. એમ પણ આજના યુગમાં યુવાન તો દેખા-દેખીમાં જ તો જીવે છે. આની પાસે આવુ છે મારી પાસે કેમ નથી. યુવાન પાસે કોઇ લક્ષ્ય નથી. અને લક્ષ્ય પણ એવા હોય છે કે જે આજે આ તો કાલે બીજુ. આજનો યુવાન ક્રિકેટ બોલ જેવો થઇ ગયો છે જે બધાના હાથમાં ફરતો જ રહ્યો છે. કોઇ પણ એનો ઉપયોગ કરે પછી નાખી દેવામાં આવે છે. આજના યુવાનમાંથી યુવાની નીકળી ગઇ છે. યુવાન રોજને રોજ લાચાર બનતો જાય છે. આજના યુવાન પાસે આત્મવિશ્વાસ નથી. આજ નાં યુવાન ની ઓળખાણ માત્ર insta ની id અને facebook ની storie. સવાર થી ઉઠી ને બ્રશ કરવાનું અને 1.5 gb પુર્ણ કરવાનું.

      યુવાની એવી જેમાં યુવાને પોતાના જીવનનુ ઘડતર કરવાનુ હોય છે. ગણા એવુ કહે છે કે યુવાનીમાં તો જલસા હોય પણ જે કાર્યો યુવાનીમાં કરી નાખ્યા હોય તે આપણે વૃદ્ધ થયા પછી કરવાના નથી. યુવાનીમાં જ આપણે આપણી છબી એવી શ્રેષ્ઠ બનાવી દેવાની કે જેથી પાછળ જતા પસ્તાવો ના થાય. યુવાન તરીકે આપણા ફેમિલી, સમાજ, દેશ માટે એવા કાર્યો કરવા કે જે આપણા જીવનનો વિકાસ કરે છે. જેથી કરીને આવનાર ભવિષ્યમાં બધા આપણને આદર્શ બનાવે

       જીવનમાં એક વાત યાદ રાખવી કે આપણુ કરેલુ આપણને જ પાછળ જતા કામ આવે છે. આપણે પણ આગલા જન્મમાં સારા કામો કર્યા હશે જેથી આપણને માનવ તરીકે જન્મ મળ્યો તો આપણે આ જીવનને સમજવું જોઇએ. અને દરેક કાર્યની નોંધ ભગવાન લે છે. જેથી જીવનમાં સારા જ કાર્યો કરવા કોશીશ કરવી જોઇએ.

      જીવનમાં દરેક કાર્ય કરતા ઉતાર-ચઢાવ તો આવવાના જ તો એમાં નાશી-પાસ ના થતા આપણી સાથે ભગવાન છે એમ સમજીને સારા કાર્ય કરવા જોઇએ. આપણા સારા કાર્યની નોઘ સમાજમાં કોઇ ના લે તો કઇ નહી પણ ભગવાન તો લે છે એ વાત ધ્યાન રાખવી અને જીવન શ્રેષ્ઠ બનાવવુ જોઇએ.

      

ગુડ ટચ - બેડ ટચ

 ગુડ ટચ - બેડ ટચ  

અહી નીચેનો ફોટો બતાવી ને પણ તમે એમને કહી શકો છો.

દરેક વાલી આ વાંચે અને અમલ કરે

   

     સમય નો પ્રવાહ કઈ દિશા માં ફંટાયો છે, સમાજ માં ઘરેલું હિંસાઓ અને શોષણ ના દિન પ્રતિદિન બનતા બનાવો, ક્રાઈમ નો રેટ , લોકો ની વિકૃત માનસિકતા ને ના ઓળખવાની ક્ષમતા ,  મોબાઈલ બાળકો ના હાથ માં આવ્યો, આજુબાજુ નું વાતાવરણ , ટીવી ની અશ્લીલ જાહેરાતો અને દ્રશ્યો,આવા ઘણા બધા પરિબળો ને કારણે બાળકો માં એક ઉંમર કરતા પરિપકવતા વધી છે,ચોખ્ખા શબ્દો માં કહું તો સેકસ ની સમજ અત્યારે વહેલી આવે છે, નાના બાળકો પણ હવે મોબાઇલ માં આવી એડલ્ટ ફિલ્મો જોતા થઈ ગયા છે , જે ભવિષ્ય નો ક્રાઇમ રેટ થી માંડી યૌન શોષણની, બળાત્કાર ની ઘટનાઓ વધારશે એ નવાઈ ની વાત નથી રહી.

           

             અહી વાત કરવી છે ગુડ ટચ અને બેડ ટચ ની , કારણ કે સૌથી વધારે યૌન શોષણ બાળકો નું થાય છે, એમને ચોકલેટ ને બહાને, અથવા ટ્રાવેલિંગ માં હોય, એકલા ઘરે રહેતા હોય ત્યારે અમુક વિકૃત મગજ ના માનવીઓ આવા બાળકો સાથે અશ્લીલ હરકતો કરતા હોય છે, બાળક જો ના સમજ હોય તો બિચારું કઈ સમજી ના શકે અને એ પણ દોરવાઈ જાય છે આ ગંદી હરકતો માં , સામે વાળો વ્યક્તિ તો એવોજ છે પણ આપણા બાળક ની ઝીંદગી સાથે રમ્યા કરે છે, તમને ખબર પડે ત્યાં સુધી તો ઘણું મોડું થઈ જાય છે.

             માટે જ , બાળકો નું કાઉન્સિલિંગ કરવું જરૂરી છે, એટલે કે એમની સાથે આવી ચર્ચા કરવી અગત્ય ની છે, હું તો શાળા માં અને ઘર માં પણ બાળકો ને આ બાબતે હંમેશા સમજણ આપતો રહું છું, આપણે થોડા રૂઢિવાદી હોય એવું નથી લાગતું ? બાળકો સાથે આવી ચર્ચા કરાય ? જી , હા... બાળક ને જોડે બેસાડી એને પ્રેમ થી કહેવાય કે તને ચાલ આજે ગુડ ટચ અને બેડ ટચ વિશે સમજાવું, અને ચાલુ કરો એનું કાઉન્સિલિંગ.

          એને કહો કોઈ પ્રેમ થી ટચ કરે તો એના માં હૂંફ હોય લાગણી હોય જેમ કે મમ્મી તને કેવું વ્હાલ કરે છે , અને એવી જગ્યા એ જેમકે તારી છાતી માં, તારા પૃષ્ઠ ભાગે ( તમારે હાથ મૂકી બતાવવા નું) તારા આગળ ના ભાગે પેશાબ કરે છે એ ભાગે કોઈ અડે , જો એકવાર થઈ જાય તો ધ્યાને ના લેવું પણ વારંવાર કોઈ તારી સાથે આવું વર્તન કરે છે તો એ બેડ ટચ કહેવાય,કોઈ તમને ભેટે તો એ નોર્મલ છે, પણ વારંવાર આવું કરે તો એ બેડ ટચ છે, હવે તારો બોડીગાર્ડ એટલે હું , મને તારે તરત કહી દેવાનું કે મારી સાથે આવું થઈ રહ્યું છે,

           આવું કરવું જરૂરી છે, સરકાર પણ આના માટે ગુડ ટચ અને બેડ ટચ નું કેમ્પેઇન ચલાવે છે, સમય ની સાથે બાળકો ને જેન્ડર સંબધી ચર્ચાઓ કરવી અતિ આવશ્યક છે, આશા રાખું છું મારી વાત તમારા બાળકો ના ભવિષ્ય માટે ખૂબ જ ઉપયોગી નીવડશે.