Fight against cybercrime

Fight against cyber crime
લાંબા સમયથી એન્ડ્રોઈડ પ્લેટફોર્મમાં ડેટા લીક અને હેકિંગનો ખતરો બનેલો છે. હેકર્સ સતત આ પ્લેટફોર્મ પર એપ્સ મારફતે લોકોને નિશાન બનાવતાં આવ્યા છે. હાલમાં જ આવેલી ચેક પોઈન્ટ રિસર્ચની રિપોર્ટ સામે આવી છે. જેમાં લગભગ 19 એન્ડ્રોઈડ એપ્સમાં સિક્યોરિટીમાં છીંડા જોવા મળે છે.
ચેક પોઈન્ટ રિસર્ચ અનુસાર મેલવેયરવાળા એપ્સનાં ડેવલપર્સે ખામીઓ હોવા છતાં તેને ફરીથી સુધારી નથી. તો વિશેષજ્ઞોનું માનવું છે કે, હેકર્સ આ એપમાં એક કમાન્ડ આપીને યુઝર્સનાં ડેટા સરળતાથી હેક કરી શકે છે.
આ એપ્સમાં છે સિક્યોરિટીનું જોખમ
LiveXLive, Moto Voice BETA, Yahoo! Transit, Yahoo! Browser, Yahoo! Map, Yahoo! Car Navigation, Facebook, Messenger, SHAREit, Mobile Legends: Bang Bang, Smule- The #1 Singing, JOOX Music, WeChat, AliExpress, Video MP3 Converter, LAZADA, Viva Video, Retrica, Tuneln
આ એપ્સમાં જે ખામીઓ સામે આવી છે, હેકર્સ તેનો લાભ ઉઠાવીને તમારા ફોનમાંથી ફોટા અને વીડિયો લીક કરી શકે છે. સાથે જ આ લીકની તમને ખબર પણ નહીં પડે. દિગ્ગજ કંપની ગુગલે વાયરસવાળી આ એપ્સને લઈ તપાસ શરૂ કરી છે. તો ફેસબૂકે કહ્યું કે, આ ખામીઓને કારણે યુઝર્સનાં ડેટાને બિલ્કુલ નુકસાન નહીં થાય. બીજી બાજુ ઈન્સ્ટાગ્રામે પણ યુઝર્સ માટે સિક્યોરિટી પેચ લોન્ચ કર્યું છે.
ગુગલે ઓક્ટોબર મહિનામાં જ Feel Camera HD, Filter Photo Frame, Lens Flares, Magic Effect અને QR Code Scanner જેવી એપ્સને પોતાના પ્લેટફોર્મ પરથી ડિલિટ મારી દીધી હતી.
Fight against cyber crime

બંધારણ દિવસ -ભારત

૨૬ નવેમ્બર, ૧૯૪૯માં ભારતનું બંધારણ બનીને તૈયાર થયું હતું, ત્યારથી જ આ દિવસને બંધારણ દિવસ (Constitution Day) તરીકે માનવવામાં આવે છે.

ડો. ભીમરાવ આંબેડકરે આ બંધારણનો મુખ્ય પાયો નાંખ્યો હતો અને તેને બનાવવા માટે ૨ વર્ષ, ૧૧ મહિના અને ૧૮ દિવસ લાગ્યા હતા.

ભારતના બંધારણમાં કુલ ૪૪૮ આર્ટિકલ અને ૧૨ શિડયુલ છે, તેમજ તેને ૨૫ ભાગોમાં વહેચવામાં વિભાજિત કરવામાં આવ્યું છે.

બંધારણની સભાના કુલ ૨૮૪ સભ્યો દ્વારા ૨૪ જાન્યુઆરી, ૧૯૫૦ના રોજ દસ્તાવેજ પર હસ્તાક્ષર કર્યા હતા અને ત્યારબાદ બે દિવસ પછી ૨૬ જાન્યુઆરી , ૧૯૫૦ ના રોજ લાગુ કરાયું હતું.

જો કે ત્યારબાદ અત્યારસુધીમાં બંધારણમાં ૯ મહત્વના સુધારાઓ કરવામાં આવી ચુક્યા છે :

૧. વર્ગના આધારે દેશના રાજ્યોની નાબૂદી, કેન્દ્રશાસિત પ્રદેશની ઘોષણા તેમજ ભાષાના આધારે રાજ્યોનું પુનઃગઠન (૧૯૫૬)

૨. બંધારણના ૪૨માં સુધારાની પ્રસ્તાવનામાં સમાજવાદ અને ધર્મનિરપેક્ષતાને શામેલ કરવાની મૂળભૂત જોગવાઈ (૧૯૭૬)

૩. મૂળ અધિકારોની સૂચિમાંથી કાઢી નાખવામાં આવેલો સંપત્તિનો અધિકાર (૧૯૭૮)

૪. કાયદાના નિર્માતાઓને પક્ષપાતના આધારે અયોગ્ય ઠેરવી શકાય તે અંગેનો કાયદો (૧૯૮૫)

૫. દેશમાં યોજાતી ચૂંટણીઓમાં મતદાતાઓની ઉંમર ૨૧ વર્ષથી ઘટાડીને કરાઈ ૧૮ વર્ષ (૧૯૮૯)

૬. દેશના મોટા શહેરો અને જિલ્લાઓમાં મ્યુનિસિપલ કોર્પોરેશન અને નગરપાલિકાની રજૂઆત (૧૯૯૩)

૭. ૬ વર્ષથી લઈ ૧૪ વર્ષ સુધીના બાળકોને મફત અને ફરજિયાત શિક્ષણ (૨૦૦૨)

૮. દેશની જાહેર અને ખાનગી ઉચ્ચ શૈક્ષણિક સંસ્થાઓમાં સામાજિક અને આર્થિક રીતે પછાત વર્ગો, અનુસૂચિત જાતિઓ અને સુનિશ્ચિત જનજાતિઓને આરક્ષણથી સંબંધિત કાયદાઓ પસાર કરવા સરકારે મંજૂરી આપી છે (૨૦૧૪)

૯. દેશભરમાં એક રાષ્ટ્ર, એક ટેક્સ એટલે કે, ગુડ્સ એન્ડ સર્વિસ ટેક્સ (GST)ની રજૂઆત (૨૦૧૭)

ભારતનું બંધારણ
************
ભારતનું બંધારણ એ દેશનો મૂળભૂત દસ્તાવેજ.તે લેખિત સ્વરૂપનો દસ્તાવેજ છે.તે દેશનાં કાયદા કરતાં ચડિયાતું છે.તેમાં સત્તા પક્ષ અને લોકોના હકો સ્પષ્ટ કરાયા છે.ભારતનું બંધારણ સમવાયતંત્રી હોવા છતાં તે એકતંત્રી છે.
ભારતીય બંધારણની સાલવારી
***********************
બંધારણસભાની કામગીરી 9 મી ડિસેમ્બર 1946થી શરૂ કરવામાં આવી.
બંધારણસભાએ 26 નવેમ્બર 1949 ના રોજ બંધારણ પસાર કર્યુ.(કુલ સમયગાળો – 2 વર્ષ 11 માસ અને 18 દિવસ )
26 મી જાન્યુઆરી 1950થી અમલ ( 26મી તારીખ પસંદ કરવાનું કારણ(1) 26 ડિસેમ્બર 1929ના લાહોર અધિવેશનમાં કોંગ્રેસે પૂર્ણ સ્વરાજ માટે લડત આપવાનો ઠરાવ કર્યો હતો (2)26મી જાન્યુઆરી 1930ના દિવસની સ્વાતંત્ર્ય દિન તરીકે ઉજવવામા આવ્યો હતો )
બંધારણ સમિતિ
***********
બંધારણ સભામાં ચૂંટાયેલા અધ્યક્ષ : ડૉ. રાજેન્દ્રપ્રસાદ
સમિતિમાં કુલ 389 સભ્યો (296-બ્રિટિશ હિંદના સભ્યો, 93-દેશી રાજ્યોના, અ.જા.ના 30 – સભ્યો )
એંગ્લો –ઇન્ડિયનના પ્રતિનિધિ – ફ્રેંક એન્થની
પારસીઓના પ્રતિનિધિ – એચ.પી.મોદી
સ્ત્રી સભ્યો – સરોજિની નાયડુ અને વિજ્યાલક્ષ્મી પંડિત
બંધારણ સમિતિના સભ્યો : (ખરડા સમિતિ) (29 ઓગસ્ટ 1947 )
-ડૉ. ભીમરાવ આંબેડકર (અધ્યક્ષ)
-અલ્લાદી કૃષ્ણસ્વામી અય્યર
-એન.ગોપાલસ્વામી આયંગર
- કનૈયાલાલ મુનશી
-સર બેનીગર નરસિંહરાવ
-ટી.ટી.કૃષ્ણામાચારી
-સૈયદ મહમદ સાદુલ્લાહ
અન્ય બંધારણની અસર
****************
યુનાઇટેડ કિંગડમ : સંસદીય , શાસન પ્રણાલી , સંસદીય વિશેષાધેકાર
સંસદીય ાર્યપ્રણાલી યુ.એસ.એ. : ઉપરાષ્ટ્રપતિપદ ,મૂળભૂત અધિકાર
કેનેડા : સંધાત્મક વ્યવસ્થા , અવિશિષ્ટ શક્તિઓ કેન્દ્ર પાસે
આયરલેન્ડ : રાજ્યના નીતિવિષયક સિધ્ધાંત
જર્મની : કટોકટીની જોગવાઇ
ફ્રાંસ : પ્રજાસત્તાક વ્યવસ્થા
ઓસ્ટ્રેલિયા : સમવર્તી સૂચી
જાપાન : કાયદા દ્વારા પ્રસ્થાપિત પ્રક્રિયા

ભારતીય બંધારણ
**************
આમુખ :
ભારતનું બંધારણ આમુખથી શરૂ થાય છે.તેનો કાયદેસર અમલ કરાવી શકાય નહીં. છતાં આમુખનું ઘણું મહત્વ છે.તેમાં બંધારણના મૂળભૂત સિધ્ધાંતો અને આદર્શોનું દર્શન થાય છે. બંધારણનું અર્થઘટન કરવામાં આમુખ ઉપયોગી છે. (આમુખમાં 1976 માં ફેરફાર કરી ‘સમાજવાદી’,’બિનસાંપ્રદાયિક’,’એકતા’
અને ‘રાષ્ટ્રની અખંડિતતા’ જેવા શબ્દો ઉમેરવામાં આવ્યા હતાં )

મૂળ બંધારણ -395 કલમ, 8 અનુચ્છેદ પ્રવર્તમાન બંધારણ – 395 કલમ , 12 અનુચ્છેદ ૩
બંધારણના મુખ્ય લક્ષણો :

ભારત રાજ્યનો બનેલો સંઘ છે.(કેન્દ્ર પાસે 97 કાર્ય અને સત્તાઓ , રાજ્યો પાસે 66 કાર્ય
અને સત્તાઓ . સંયુક્ત યાદીમા 47 કાર્ય અને સત્તાઓ )
સંઘ પાસે રાષ્ટ્રીય કટોકટી , રાજ્યમા બંધારણીય કટોકટી અને નાણાકીય કટોકટીનો સામનો કરવાની વિશેષ સત્તાઓ ( કટોકટી વખતે ભારત લગભગ એકતંત્રી વ્યવસ્થામાં ફેરવાય જાય છે.
ભારતમાં સંસદીય પધ્ધતિની સરકાર
સ્વતંત્ર અને નિષ્પક્ષ ન્યાયતંત્ર
પુખ્ત વયે મતાધિકાર (18-વર્ષ )
બિનસાંપ્રદાયિકતા

મૂળભૂત હકો
*********
(10 ડિસેમ્બર –માનવ હક દિન )
ત્રીજા અનુચ્છેદમાં 12 થી 36 સુધીની કલમોમાં 36 અધેકારોની જોગવાઇ કરવામાં આવી છે.મૂળ બંધારણમાં 7 મૂળભૂત અધિકાર પરંતુ 44 માં સંશોધનમાં ‘સંપત્તિનો અધિકાર’ રદ કરવામાં આવ્યો..હાલ 6 અધિકારો નાગરિકો માટે છે.

સમાનતાનો અધિકાર (કલમ 14 થી 17 )
સ્વતંત્રતાનો અધિકાર (કલમ 19 થી 21 )
શોષણ વિરૂધ્ધનો અધિકાર (કલમ 23 થી 24 )
ધાર્મિક સ્વાતંત્ર્યનો અધિકાર (કલમ 25 થી 28 )
સંસ્કૃતિ અને શિક્ષણસંબંધી અધિકાર (કલમ 29 થી 30 )
બંધારણીય ઇલાજોનો અધિકાર (કલમ 32 )
(93 મો સુધારો –પ્રાથમિક શિક્ષણ મૂળભૂત અધિકાર )
મૂળભૂત ફરજો : (6 જાન્યુઆરી – મૂળભૂત ફરજ દિન )
બંધારણ, રાષ્ટ્રધ્વજ અને રાષ્ટ્ર્ગીતનો આદર કરવો.
સ્વાતંત્ર્યસંગ્રામના ઉદાત્ત વિચારો અને આદર્શો અપનાવવા.
ભારતના સાર્વભૌમત્વ, એકતા અને અખંડિતતાનું રક્ષણ કરવું.
જરૂરિયાત પડે ત્યારે દેશનું રક્ષણ કરવું અને રાષ્ટ્રસેવામાં જોડાવું.
ભારતના બધા લોકો વચ્ચે ભાઇચારાની ભાવના ખિલવવી અને સ્ત્રીઓનાં ગૌરવને હાનિ પહોંચાડતી બાબતોનો ત્યાગ કરવો .
રાષ્ટ્રના સમૃધ્ધ, સમન્વિત અને સાંસ્કૃતિક વારસાનું જતન કરવું.
પ્રાણીઓ પ્રત્યે અનુકંપા રાખવી અને પર્યાવરણનું રક્ષણ કરવું.
વૈજ્ઞાનિક અભિગમ, માનવવાદ અને શોધવૃત્તિનો વિકાસ કરવો.
જાહેર સંપત્તિનું રક્ષણ કરવું અને હિંસાંનો ત્યાગ કરવો.
વૈયક્તિક અને સામૂહિક પુરૂષાર્થના બધાં ક્ષેત્રોમાં ઉત્કૃષ્ટતા સિધ્ધ કરવા કટિબધ્ધ થવું.

શિક્ષણવિષયક કલમો
*****************
6 થી 14 વર્ષના બાળકોનું મફત અને ફરજિયાત શિક્ષણ (કલમ-45 )
શૈક્ષણિક સંસ્થાઓની સ્થાપના અને વહીવટ કરવાનો લઘુમતીઓનો અધિકાર (કલમ- 29 અને 30 )
પ્રાથમિક કક્ષાએ માતૃભાષા દ્વારાં શિક્ષણની સુવિધા (કલમ -350 એ )
હિંદ ભાષાને પ્રોત્સાહન (કલમ -351 )
શૈક્ષણિક સંસ્થાઓમાં ધાર્મિક શિક્ષણ અંગે જોગવાઇ (કલમ-25,28એ અને 28 બી)
સામાજિક અને શૈક્ષણિક પછાત વર્ગના નાગરિકો માટે શિક્ષણ (કલમ-46)
સ્ત્રીઓનું શિક્ષણ (કલમ – 15એ અને 15સી)

ATM FRAUD

અમદાવાદમાં સાઈબર ક્રાઈમના ગુનામાં 45 ટકાનો વધારો થયો છે. તાજેતરમાં નેશનલ ક્રાઈમ રેકોર્ડ બ્યુરોએ વર્ષ 2017ના જારી કરેલા આંકડામાં આ ચોંકાવનારું તારણ રજૂ કર્યું છે. 2016માં સાઈબર ક્રાઈમને લગતી વિવિધ 77 ફરિયાદો નોંધાઈ હતી. જે 2017માં 112એ પહોંચી હતી. રાજ્યમાં સાઈબર ક્રાઈમની સૌથી વધુ ફરિયાદો અમદાવાદમાં નોંધાઈ છે. અમદાવાદ પછીના ક્રમે સુરત આવે છે. નેશનલ ક્રાઈમ રેકોર્ડ બ્યુરોના આંકડા મુજબ, રાજ્યમાં છેલ્લા બે વર્ષમાં સાઈબર ક્રાઈમની ફરિયાદોમાં 90 ટકાનો વધારો થયો છે. ખાસ કરીને ઓનલાઈન છેતરપિંડી, એટીએમ ક્લોનિંગ, વન ટાઈમ પાસવર્ડની તફડંચી અને ખોટી રીતે પૈસા ઉપાડી લેવા જેવી ફરિયાદોનો સમાવેશ થાય છે. 2015માં આવી 242 ફરિયાદ નોંધાઈ હતી. જ્યારે 2017માં વધીને 458 થઈ હતી. આમ બે વર્ષમાં 90 ટકા ફરિયાદો વધી ગઈ છે. લોકો છેતરપિંડીનો ભોગ ન બને તે માટે નિષ્ણાતે કેટલીક સલાહ આપી છે.
સાઈબર ગુનેગારો તમારા પરસેવાની કમાણી લૂંટી ન જાય તે માટે FSLના નિષ્ણાતે આટલી બાબતોનું ધ્યાન રાખવાની સલાહ આપી

જુદા જુદા ATMનો ઉપયોગ કરવાનું ટાળો

પૈસા ઉપાડવા જુદા જુદા એટીએમનો ઉપયોગ ટાળવો હિતાવહ છે. કારણ કે, ક્યારેક એવું બની શકે કે કોઈક એટીએમમાં કેમેરા કે સ્કિમિંગ મશીન છૂપાવેલું હોય. નિયમિત રીતે જે એટીએમમાંથી પૈસા ઉપાડતા હોવ ત્યાંથી જ ઉપાડો.

ATMમાં કાર્ડ નાખતાં પહેલાં સ્લોટ ચેક કરો

એટીએમમાંથી પૈસા ઉપાડતાં પહેલાં કાર્ડ નાખવાનો સ્લોટ ખાસ ચેક કરો. આ સ્લોટની ડિઝાઈનમાં ફેરફાર લાગે તો પૈસા ન ઉપાડો. કારણ, આ સ્લોટની આસપાસ લગાડેલી ચીપ તમારા કાર્ડ-પિન નંબરની કોપી કરી લે છે. સૂક્ષ્મ કેમેરાથી ડેટાની ચોરી ન થાય તે જુઓ કાર્ડ નાખવાના સ્લોટની આસપાસ સૂક્ષ્મ કેમેરા સંતાડી તમારા કાર્ડની વિગતો તફડાઈ લેવાતી હોય છે. માટે સૌથી પહેલાં ચેક કરો કે કોઈ કેમેરા તો નથી. આ ઉપરાંત સ્લોટ આસપાસ કંઈપણ શંકાસ્પદ લાગે તો થોભી જાવ. મોબાઈલ પર આવતી અજાણી લિન્ક ન ખોલો મોબાઈલમાં આવતી ફીશિંગ લિન્કથી સાવધાન રહેવું. લોભામણી ઓફર કરતી આ લિન્ક પર ક્યારેય ક્લિક ન કરવી. કારણ કે, ક્લિક કરતાંની સાથે જ તમારા ડેટાની ચોરી થાય છે. આવો કોઈ મેઈલ આવે તો વેરિફાય કરો. લોભામણી ઓફરોથી ઠગાઈ થતી હોય છે ઘણી વખત વોટ્સએપ કે ફેસબુક જેવાં સોશિયલ મીડિયા પર કોઈક વસ્તુ કે અમુક રૂપિયાનું વાઉચર ફ્રીમાં મળે છે તેવી ઓફર કરતી લિન્ક આવે છે. આ લિન્ક કદી ખોલવી નહીં. કારણ કે, આવી લિન્ક મારફતે તમારો ડેટા ચોરાય છે. ભળતાં નામે આવતી એપ ડાઉનલોડ ન કરો એપ સ્ટોરમાંથી ગેમ કે એપ ડાઉનલોડ કરતી વખતે આ એપ કે ગેમ સાચી છે કે નહીં તેની ખાતરી કરો. એવું બની શકે છે કે, એપ ડાઉનલોડ થઈ જાય તો તમારા મોબાઈલમાં રહેલા બેન્કના ડેટાની ઉઠાંતરી થઈ શકે છે. ઓનલાઈન શોપિંગમાં ડોમેઈન નેમ ચેક કરો ઓનલાઈન શોપિંગ કરતી વખતે ધ્યાન રાખવું કે કોઈપણ કંપનીનું નામ ડોમેઈનની આગળ જ હોય.દાખલા તરીકે www.companyname.com હોય પરંતુ www.companyname.xyz.com ક્યારેય ન હોઈ શકે. નેટ બેન્કિંગની એપ અપડેટ કરતા રહો મોબાઈલથી નેટ બેન્કિંગ કરતી વખતે ખાસ કાળજી લો કે, બેન્ક સમયે-સમયે જે એપ મોકલે છે તેને અપડેટ કરો. જૂની એપ સતત ચાલુ રાખવાથી ડેટાચોરીનું જોખમ વધે છે. અપડેટ થયેલી એપમાં બેન્કે કાળજી લીધી હોવાથી જોખમ ઘટે છે.

SUPER COMPUTER

India levelled up in the supercomputing prowess with the commissioning of Pratyush this Monday. Union minister for Science and Technology Harsh Vardhan dedicated India's fastest and first multi-petaflops super computer to the nation at Indian Institute of Tropical Meterorology (IITM), Pune.

What is special about Pratyush?

Up until now, India's computing capacity stood at 1.0 PF (petaflops), but with the commencement of Pratyush, the supercomputing prowess of the nation will reach 6.8 PF. PF or Petaflops is a measure of the processing speed of computer.

The machine will be installed at two government institutes. IITM, Pune will have the 4.0 PF facility while the 2.8 PF facility would be installed at National Centre for Medium Range Weather Forecast, Noida.

As reported by The Hindu, "With the new system, it would be possible to map regions in India at a resolution of 3 km and the globe at 12 km."

India's other supercomputers

With Pratyush, India makes its way into the list of top 30 super computers in the world. As of June 2017, following systems of India were in the list of top 500 super computing systems:

• SahasraT (SERC - Cray XC40) installed at Indian Institute of Science (ranked 165)

• Aaditya (iDataPlex DX360M4) installed at Indian Institute of Tropical Meteorology (ranked 260)

• TIFR - Cray XC30 installed at Tata Institute of Fundamental Research (ranked 355)

• HP Apollo 6000 Xl230/250 installed at Indian Institute of Technology Delhi (ranked 391)

Use of India's fastest super computer

• The super computer Pratyush will be used for weather forecasts, making the process better than ever

• It will be used majorly for monsoons and extreme weather events including the tsunamis, cyclones, draught, flood and earthquakes

• The computer will also be used to facilitate the reading of air quality, lightning, fishing along with hot and cold waves

It is also worth mentioning that Pratyush would be the fourth fastest super computer in the world used for weather forecast.

ફોનના રેડીયેશન થી બાળકોને થાય છે આ માઠી અસર … દરેક પેરેન્ટ્સ જાણે આ ખાસ માહિતી

ફોનના રેડીયેશન થી બાળકોને થાય છે આ માઠી અસર … દરેક પેરેન્ટ્સ જાણે આ ખાસ માહિતી બાળકોમાં થતી ટેકનોલોજીની આડઅસર 💻 મિત્રો તમે પરિચિત જ છો કે આજના ટેકનીકલ યુગમાં કોમ્પ્યુટર અને મોબાઈલ ફોનનો ઉપયોગ ખુબ જ વધી ગયો છે. એટલું જ નહિ બાળકોને ભલે ભણવાનું ન આવડે પણ મોબાઈલમાં બધું આવડતું હોય છે. કોમ્પ્યુટર અને મોબાઈલના ઉપયોગથી બાળકો સ્માર્ટ તો બને છે. પરંતુ વધારે પડતા ઉપયોગથી તે નુંકશાન પણ કરે છે. માટે ખુબ જ જરૂરી છે કે આપણે બાળકોને ટેકનોલોજીથી એડિક બનતા અટકાવીએ. 📱 તેમાં કોઈ શંકા નથી કે મોબાઈલ ફોન અને સોસીયલ નેટવર્કીંગ સીટની આપણે કોઈ પણ વ્યક્તિનો સેકન્ડમાં કનેક્ટેડ કરી શકીએ છીએ. માતા પિતા પણ આવું વિચારી પોતાના બાળકોને નાની ઉમરમાં જ મોબાઈલ અને લેપટોપનો ઉપયોગ કરતા શીખવી દે છે. આજકાલ લગભગ પેરેન્ટ્સ વર્કિંગ હોય છે તેથી તેમના બાળકો સાથે કોન્ટેક્ટ રહે તે માટે બાળકોને મોબાઈલ ફોન આપી સેફ્ટી જાળવતા તમે જોયા હશે. પરંતુ સમસ્યા ત્યારે ઉભી થાય છે જ્યારે બાળક તેનો આદતી બની જાય છે. 🖥 ઘણા પેરેન્ટ્સ એવા પણ જોયા હશે કે જે બાળકને ચુપ કરાવવા માટે હાથમાં સ્માર્ટ ફોન આપી દેતા હોય છે. પરંતુ શું તમે જાણો છો તે ટેવથી બાળકનો અભ્યાસ અને રોજીંદી દિનચર્યા બંને ખોરવાઈ છે. ટેકનોલોજી એટલે મોબાઈલ કોમ્પ્યુટર, ઈન્ટરનેટ વગેરે અને આ બધી ટેકનોલોજી આજે આપણી એક જરૂરત બનીને રહી ગઈ છે. આ ટેકનોલોજી જિંદગીને સરળ બનાવે છે. પરંતુ આ જરૂરત જ્યારે હદથી વધારે આગળ વધી જાય છે. તમે મોબાઈલ કે સોસીયલ નેટવર્કીંગ સાઈટ પર તમારો વધારે સમય વિતાવવા લાગો. તમે તેના વગર એક કલાક પણ રહી ના શકો તો તેને ટેકનોલોજીનું એડીક્શન કહેવાય. 🖨 રીચર્સ પ્રમાણે જાણવા મળ્યું છે કે બાળકો વધારે પડતા આ એડીક્શનનો શિકાર બને છે. જો કે યુવાનોને પણ કમ ન આંકી શકાય. પરંતુ બાળક પર તેની અસર ઝડપથી થવા લાગે છે. મિત્રો 15 થી 16 વર્ષ પહેલાના બાળકોને મોબાઈલ કે કોમ્પ્યુટરનો ઉપયોગ ન કરવો જોઈએ. પરંતુ આજના વ્યસ્ત જમાનામાં માતા પિતા બાળકોને ખુબ જ નાની ઉમરમાં મોબાઈલ ફોન હાથમાં પકડાવી દે છે. અને એક વાર આ ટેકનોલોજી બાળકના હાથમાં નાની ઉમરમાં જ આવી જાય તો બાળક ઈન્ટરનેટ, ઓનલાઈન ગેમ્સ અને સોસીયલ નેટવર્કીંગને જ પોતાની દુનિયા માને છે. કોઈ પણ પેરેન્ટ્સ પોતાના બાળકને મોબાઈલ આપતા પહેલા તેની આડઅસરો વિશે જાણી લેવું જોઈએ. 👉 ટેકનોલોજીથી એડિક થતા થતી આડઅસરો : બાળકનું શાળાએ ક્લાસમાં વ્યવસ્થિત ધ્યાન કેન્દ્રિત થતું નથી. બાળકને શાળાએ પણ ઊંઘ આવે છે. લગભગ દરેક સમયે તે ઊંઘના મૂડમાં રહે છે. બાળક પોતાનું વર્ક સમયે પૂરું કરી શકતો નથી. તે ટેકનોલોજીથી દિવસો જતા વધારે ને વધારે એડિક થતું જાય છે. તેમજ તેનું એકેડેમિક પર્ફોમન્સ દિવસે દિવસે નિમ્ન સ્તરે જતું જણાય છે. 🖱 ખાવા પીવાની આદતો બદલાય જાય છે. ટેકનોલોજી પાછળ તેને ખાવા પીવા કે સુવા પ્રત્યે કોઈ ધ્યાન રહેતું નથી. મિત્રોને મળવા તથા ઘરણ સભ્યો સાથે હળીમળીને વાતો કરવાને બદલે બાળક પોતાનો સમય કોમ્પ્યુટર અને મોબાઈલ પર વિતાવવાનું પસંદ કરે છે. જ્યારે તે બાળકનો સર્વાંગી વિકાસ અટકાવે છે. કોમ્પ્યુટર અને વિડીયો ગેમના ચક્કરમાં ખોટું બોલવાનું શરુ કરી દે છે. સામાજિક વાતાવરણમાં ભળી શકતા નથી. બાળક પરિવારમાં કોઈ સાથે હળીમળીને વાત કરતા અચકાય છે. તેમજ આઉટડોર ગેમ્સ બાળકને કંટાળાજન્ય લાગે છે. જો તે ઓનલાઈન ન હોય તેની પાસે મોબાઈલ ના હોય કે તેને તે ટેકનોલોજીથી દુર કરવામાં આવે તો તે અજીબ પ્રકારનું વર્તન કરે છે. ચિડીયાપણું તેના ચહેરા પર ચોખ્ખું દેખાઈ આવે છે. જ્યારે તેની પાસે ટેકનોલોજી થોડી વાર માટે ન હોય ત્યારે પણ તેના વિશે વિચારતો રહે છે. * આ ઉપરાંત બાળકના સ્વાસ્થ્ય પર પણ ખરાબ અસર થઇ શકે છે. – બાળક ઓબેસિટી હાઇપરટેન્શન તથા ઇન્સોમનીઆનો શિકાર થઇ શકે છે. – સતત સ્ક્રીન પર જોવાથી આંખ પર ટ્રેસ પડે છે. તેમજ આઈ પાવર નબળું પડે છે. – બાળક કોમ્પ્યુટર વિઝન સિન્ડ્રોમનો શિકાર થઇ શકે છે. – બાળકનો ગરદન અને ખભામાં દુઃખાવો થાય છે. – નાની ઉમરમાં જ કમર તેમજ પીઠનો દુઃખાવો થાય છે. – આ ઉપરાંત કોન્સન્ટ્રેશનમાં કમી આવી જાય છે. * એડીક્શનથી બાળકને રોકવા શું કરવું જોઈએ પેરેન્ટ્સ : બાળકના મોબાઈલ કોમ્પ્યુટરના ઉપયોગ પર સમય નિયંત્રણ રાખવું. બાળકના મોબાઈલ લેપટોપ કે કોઈ ગેઝેટ આપતા પહેલા તેના માટે રૂલ્સ બનાવી લેવા જોઈએ. અને બાળકને તે ટુલ્સ અનુસરવા કહેવું જોઈએ. મોડી રાત સુધી બાળકને ગેઝેટ્સનો ઉપયોગ ન કરવા આપવો. અને એમને જોતા તમારે પણ ગેજેટ નો ઉપયોગ મોડે સુધી ના કરવો તેની એક્ટીવીટીની સંપૂર્ણ માહિતી રાખવી. આજકાલ એવા સોફ્ટવેર પણ ઉપલબ્ધ છે. જે સાઈટને ફિલ્ટર કરી આપે છે. જેથી કોઈ અશ્લીલ સાઈટ્સ ઓપન ન થાય . આ ખાસ કાળજી રાખવી. બાળકને ટેકનોલોજીના વધારે પડતા ઉપયોગના નુંકશાન વિશે સમજાવવું. તેમને સતર્ક કરવા. આજના હાઈટેક યુગમાં બાળકને સંપૂર્ણ રીતે ટેકનોલોજીથી દુર રાખવા શક્ય નથી. પરંતુ બાળકને તેનાથી એડિક થતા અટકાવી શકાય છે એ માટે નો બેસ્ટ ઉપાય એજ છે કે તેમને વધારે સમય માટે ફોનજ ના આપવો.

What's app hacking

તાજેતરમાં જ UAE બેસ્ડ NGOએ એક અવેરનેસ પ્રોગ્રામ યોજ્યો હતો, જેમાં બતાવવામાં આવ્યું હતું કે, માત્ર 30 સેકન્ડની અંદર જ કોઇપણ વ્યક્તિ કોઇના પણ વૉટ્સએપ એકાઉન્ટનું એક્સેસ લઇ શકે છે. આ માટે હેકરને ફક્ત એકજવારનો તમારા ફોનનો એક્સેસ જોઇએ છે. * કેવી રીતે હેક કર્યું 30 સેકન્ડમાં વૉટ્સએપ * વૉટ્સએપ વેબનો યૂઝ કર્યો વૉટ્સએપ એકાઉન્ટ હેક કરતા ફર્મે એક વીડિયો રિલીઝ કર્યો છે, જેમાં બતાવવામાં આવ્યું છે કે, કેવી રીતે ફક્ત ફોન ઉધાર લઇને Whatsapp webને પોતાના કૉમ્પ્યુટરમાં ઓન કરી દીધું. આનાથી ફોટોઝ, વીડિયો, ચેટ સહિતનો બીજો બધો જ ડેટા માત્ર 30 સેકન્ડની અંદર સામેવાળાના કૉમ્પ્યુટરમાં જતો રહ્યો. આ માટે કોઇ ખાસ ટ્રેનિંગની જરૂર નથી પડતી. * કેવી રીતે બચવું આનાથી - વૉટ્સએપને લૉક કરીને કે પાસવર્ડ સેટ કરીને રાખવું. - વૉટ્સએપ વેબના સેટિંગ્સમાં જાઓ અને ચેક કરો કે કોઇ અન્ય ડિવાઇસ તો તમારા ફોનથી કનેક્ટ તો નથી ને. - Web.Whatsapp.com પર જાઓ. વૉટ્સએપ મેસેજ એક્સટ્રેક્ટ કરી આસાનીથી કોઇપણ તમારું એકાઉન્ટ હેક કરી શકે છે. ચેટ્સ એન્ડ કૉલ્સમાં એક ઓપ્શન આવો પણ છે, જેનાથી આસાથી બધી જ ચેટ હિસ્ટ્રી ઇમેલ કરી શકાય છે. * શું કરશો બચવા માટે - તમારા ઇમેલ એકાઉન્ટને ચેક કરો કે કોઇ અન્ય અનનૉન મેઇલ તો નથી ગયોને. - વૉટ્સએપ હંમેશા લૉક રાખો. Whatsapp Callની મદદથી વૉટ્સએપ કૉલની મદદથી ફોનને હેક કરવો વધુ ઇઝી છે. આ માટે હેકરને તમારો ફોન ફક્ત 15 સેકન્ડ માટે જ જોઇશે અને ફોન હેક થઇ જશે. * શું કરશો બચવા માટે - Incoming Call Lock એપ ઇન્સ્ટૉલ કરો, આ એપની મદદથી, કોઇપણ નવો કૉલ આવે ત્યારે કૉલ લૉક ઓપન કરવું પડશે, નહીં તો કૉલ રિસીવ થઇ શકશે નહીં. * Spy Apps ઇન્ટરનેટ સ્પાય એપ્સથી ભરેલું છે. જો તમારો મિત્ર કે ફેમિલામાંથી કોઇ આમાંથી એપ ઇન્સ્ટૉલ કરી લે તો હેકર માટે તેમનું વૉટ્સએપ એકાઉન્ટ હેક કરવું ખુબ આસાન થઇ જશે. * શું કરશો બચવા માટે - ફોનમાં નવી એપને ચેક કરતા રહો, જો કોઇ નવી એપ દેખાય, જે તમે ઇન્સ્ટૉલ ના કરી હોય તો તેને જલ્દીથી અનઇન્સ્ટૉલ કરી દો. - જો તમારો ફોન રૂટેડ હોય તો પરમિશન મેનેજરનો યૂઝ કરો. * OTP SMSની મદદ લો વૉટ્સએપને હેક કરવાનો સૌથી આસાન રસ્તો OTP છે. OTP કન્ફર્મેશન વિના યૂઝર વૉટ્સએપનો યૂઝ નથી કરી શકતો, આવામાં હેકર્સને માત્ર SMS સ્પાયવેરની જરૂર પડે છે. * કેવી રીતે બચશો - એક સારો એન્ટીવાયરસ ફોનમાં જરૂરથી રાખવો જોઇએ. - સ્ક્રીન નોટિફિકેશન લૉક કરીને રાખો. - એપ લૉકની મદદથી SMS એપ લૉક રાખો. * ફોનને કન્ટ્રૉલ કરીને તમારા એન્ડ્રોઇડ ફોનની કૉપી બનાવવી એટલી આસાન છે કે, હેકર મિરર યૉર ફોન ટેકનિકનો યૂઝ કરીને ગમેત્યાંથી આખા ફોનનો પુરેપુરો એક્સેસ લઇ શકે છે. આના માટે બસ એક એપ અને ટીમ વ્યૂઅરની જરૂર પડે છે. * શું કરશો બચવા માટે - તમારા ફોનમાં નવી એપ્સને ચેક કરતા રહો, જો કોઇ નવી એપ દેખાય, જે તમે ઇન્સ્ટૉલ કરી ના હોય તો તરતજ તેને અનઇન્સ્ટૉલ કરી દો. - જો તમારો ફોન રૂટેડ હોય તો પરમિશન મેનેજરનો યૂઝ કરો.

ધોરણ 12નું પરિણામ

ધોરણ 12 વિજ્ઞાન પ્રવાહ રિઝલ્ટ જાહેર થઇ ગયું. દીકરો કે દીકરીની માર્કશીટ જોઇને મમ્મી-પપ્પા ખુશ થઇ ગયા છે. હવે મોટાભાગનાં મમ્મી-પપ્પાનાં બચ્ચાંઓ 99 ટકા માર્કસ લાવી શકે છે. પણ-આજે તમારો દીકરો કે દીકરી માર્કશીટ લઇને ઘરે નથી આવ્યા. તમારા માટે એક પ્રશ્નપત્ર લઇને આવ્યા છે. આ પ્રશ્ન-પત્ર તમારે ભરવાનું છે અને પછી નક્કી કરવાનું છે કે-તમે તમારા બચ્ચાંની પરીક્ષામાં પાસ થયા કે નહીં? તમારા બચ્ચાંની પરીક્ષામાં તમારા માર્કસ બાજુવાળા મહેશભાઇ કરતાં વધારે આવ્યા કે નહીં? આજે તમારે તમારી જાતનું મૂલ્યાંકન તમારી જાતે કરવાનું છે. સવાલ : 1 તમે તમારા દીકરા-દીકરીને ફ્રિડમ આપી, સગવડો આપી એટલે એ પાસ થયા કે તમે ફ્રિડમ અને સગવડો નથી આપી એટલે એ પાસ થયા છે? (10) સવાલ : 2 હવે તમારા દીકરા-દીકરીને દેશની સરકાર નક્કી કરવાનો અધિકાર મળશે, એ બેંકમાં ખાતું ખોલાવી શકશે, નાણાંકીય વ્યવહારો જાતે કરી શકશે-તો શું હવે તમે એમને એમની જીંદગીનાં નિર્ણયો જાતે લેવા દેશો? (10) સવાલ : 3 અત્યાર સુધી એ તમારી લાઇનદોરીમાં રહ્યાં, હવે તમે એમને એમની ગમતી લાઇન લેવા દેશો? (10) સવાલ : 4 મેં તારા કરતાં વધારે દિવાળી જોઇ છે-આવું હજીપણ એને કહેશો-કે એની દિવાળીનો આનંદ એને લેવા દેશો? (10) સવાલ : 5 એની હથેળીમાં એની જીંદગીની ચાવીઓ મૂકીને એને એવું કહી શકશો કે-જા બેટા, જી લે અપની જીંદગી…. (10) સવાલ : 6 હજીપણ તમે એવું માનો છો કે મોબાઇલનો ઉપયોગ એ માત્ર ગેમ રમવા માટે જ કરે છે? (10) સવાલ : 7 તમને એવું લાગે છે કે-પી.એસ.પી કેટલો સમય રમવું એની એને હજીપણ નથી ખબર? (10) સવાલ : 8 અમે નાના હતા ત્યારે અમારી પાસે બે જોડી જ કપડાં હતાં, ચાલતાં સ્કૂલે જતાં-પાંચ રૂપિયા જ પોકેટમની મળતાં-એવાં ઉદાહરણો આપવાનું હવે બંધ કરશો? (10) સવાલ : 9 બાજુવાળાનો રોહન તો સાયન્સમાં 100માંથી 100 માર્કસ લઇ આવ્યો-અમે કહેતાં હતા એમ વાંચ્યું હોત તો તારા પણ 100 માર્કસ આવ્યા હોત. આવું એને કહેશો? (10) સવાલ : 10 એ તમારું સંતાન છે-એ ક્યારેય ખોટું નહીં કરે-એવો વિશ્વાસ હવે તમને છે? (10) આ પ્રશ્નપત્ર તમે ભરજો. જાતે જ માર્કસ આપજો અને નક્કી કરજો કે તમારાં દીકરા-દીકરીની પરીક્ષામાં તમે પાસ થયા છો ખરાં?

અનોખી માર્કશીટ

અનોખી માર્કશીટ બોર્ડના પરિણામની માર્કશીટ હાથમાં આવતાં જ જયના મુખ પર ખુશી છલકાઇ ગઇ. સ્કૂલના બધા શિક્ષકો તો જયનો જયજયકાર કરતાં થાકતાં જ નહોતા… ‘જોયું ગણિતમાં મારી કરાવેલી તૈયારીઓની અસર…. સોમાંથી પુરા સો….! કોઇની તાકાત છે કે જયનો એક માર્ક કાપી શકે…?’’ ગણિતના શિક્ષક તો બધા વચ્ચે છાતી ફુલાવીને બોલ્યાં. ‘ગણિતમાં તો કેટલાય વિદ્યાર્થીઓ પુરા માર્ક્સ લાવે… વિજ્ઞાનમાં આખા જિલ્લામાં જય એકલાનાં જ સો માંથી સો માર્ક્સ છે… અને મારા ભણાવેલા વિજ્ઞાનની કોઇ બરોબરી જ ન કરી શકે.’ વિજ્ઞાનના સર તો જયની માર્કશીટ લઇને પોતાની ખુરશી પર ચઢીને આખા સ્ટાફને સંભળાય તેમ બોલ્યા. ‘ઓ ગણિત… વિજ્ઞાનવાળાંઓ તમે ભાષામાં પંચ્યાણુ માર્ક લાવીને બતાવો… જયના ગુજરાતીના પંચ્યાણુ માર્ક્સ આખા રાજ્યમાં અવ્વ્લ છે… જેની માતૃભાષા મજબુત તેના બધા વિષયો મજબૂત.’ ગુજરાતીના શિક્ષકે તો પેલા બન્ને શિક્ષકોને સંભળાય તેમ જયની માર્ક્શીટ હાથમાં લેતા કહ્યું. જય અને જયની માર્કશીટ બધા શિક્ષકો, વિદ્યાર્થીઓ, વાલીઓ બધાના હાથમાં વારાફરતી ફરી રહી હતી. ‘તારા મમ્મી-પપ્પા ક્યાં છે, જય….? મારે પુછવુ છે કે તેઓ તને કેવી રીતે તૈયારી કરાવે છે…?તારી પાછળ કેટલો સમય આપે છે…?’ એક વિદ્યાર્થીના મમ્મીએ માર્કશીટ જોઇને પૂછી લીધું. ‘મમ્મી… જયના મમ્મી-પપ્પા તો કોઇ’દી સ્કુલે આવતા જ નથી…!’ પેલા વિદ્યાર્થીએ જ તેની મમ્મીને જવાબ આપી દીધો. ગુજરાતીના શિક્ષકે જયને ન સંભળાય તે રીતે પેલા બેનને ધીરેથી કહ્યું. ‘હા… જયના પપ્પા તો ફૂટપાથ પર જુના પુસ્તકો વેચે છે.. મમ્મી બીજાના ઘરે કામ કરે છે… તેઓ અતિ સામાન્ય પરિસ્થિતિના છે… આ તો જય જેવો દિકરો લાખોમાં એક હોય જે જાત મહેનતે આગળ આવે …!’ ‘સર…હું જાઉં… મારા મમ્મી-પપ્પાને પણ રીઝલ્ટ બતાવવું છે.’ જયને ઘરે જવાની ઉતાવળ હતી. ત્યાં જ સામે પ્રિન્સિપાલ સર આવ્યા, તેમના હાથમા મીઠાઈનું બોક્સ હતું, ‘હા.. જા દિકરા… તારા પેરેન્ટ્સ પાસે મોબાઇલ જ નથી તો એ ક્યાં ઓનલાઇન રીઝલ્ટ જોઇ શકવાના છે…? પણ તારા જેવો દિકરો ખરેખર જિંદગીની ઓન- લાઇને છે તેનો અમને ગર્વ છે… અને અમે તારા રીઝલ્ટની ખુશીના પેંડા આખી સ્કુલમાં આપવાનાં છીએ… લે આ બોક્ષ તારા મમ્મી-પપ્પાને આપજે…’ ‘સર.. પેંડા તો મારે આપવાના હોય….!’ જયે ધીમા અવાજે કહ્યું. ‘બેટા… તારા પરિણામથી તો અમને પેંડા વહેંચવાનું મન થઇ આવે છે… તું જલ્દી જા… તારા મમ્મી-પપ્પાને કહેજે કે તું સમગ્ર રાજ્યમાં પ્રથમ આવ્યો છે.’ પ્રિન્સિપાલ સરે જયના માથા પર હાથ મુક્યો. ‘થેંક્યુ સર’ એટલું કહીને જયે પેંડાનું બોક્ષ અને માર્કશીટ લઇ પોતાની સાયકલનું હેન્ડલ ઘર તરફ વાળ્યું.જયે જોયું તો મોટા ભાગના વિદ્યાર્થીઓ મમ્મી- પપ્પા સાથે પોતાનું પર્સનલ ટુ વ્હીલર લઇને કે કારમાં આવ્યા હતા. જો કે આવી કોઇ સગવડ જયના નસીબમાં નહોતી. તેના પપ્પા પાસે પણ હજુ જુની પુરાણી સાયકલ જ હતી. તે દસમાં ધોરણમાં જયને વારસામાં મળી હતી. આ સાયકલની રફ્તાર વધી રહી હતી… તેને પોતાની માર્કશીટ બતાવવાની ઉતાવળ નહોતી પણ પોતાના આ વર્ષની મમ્મી પપ્પાએ બનાવેલી માર્કશીટ લેવાની ઉતાવળ હતી. જય ઘરે પહોંચ્યો. તે દોડીને મમ્મી પપ્પાની પાસે ગયો, ‘મમ્મી-પપ્પા આ મારી માર્કશીટ અને પેંડા… ગુજરાતમાં પહેલો આવ્યો છું…’ જયની ખુશીનો પાર નહોતો. મમ્મી-પપ્પાએ માર્કશીટ પર નજર ફેરવી અને તરત જ ભગવાનનાં ચરણોમાં મુકી દીધી. ‘મારી પેલી માર્કશીટ ક્યાં…?’ જયે તેની દરવર્ષની જેમ આ વર્ષે મમ્મી પપ્પાની પરીક્ષાની માર્કશીટની ઉઘરાણી કરી. ‘અરે… બેટા… હવે તું મોટો થયો… કદાચ અમારા આપેલા માર્ક તને નહી ગમે તો…? આ વખતે નહી આપીએ તો નહી ચાલે….?’ જયના પપ્પાએ તો ઇન્કાર કરતા કહ્યું. ‘ના એમ નહી ચાલે મારે તમારી બનાવેલી માર્કશીટ જોઇએ જ…’ જયે જીદ કરી. ‘સારું, લે પણ ધ્યાન રાખજે… અમે તારી સ્કુલના શિક્ષકો જેવા હોંશિયાર નથી. જય બેટા, આ કોઇ ભણવાના વિષયોની માર્કશીટ નથી પણ તારા જીવનનું આ વર્ષનું અમારું વાર્ષિક મૂલ્યાંકન છે.’ અને પપ્પાએ જયને તેની અનોખી માર્ક્શીટ આપી. જયે તો બે પાનાની માર્કશીટ હાથમાં લીધી અને મમ્મી-પપ્પાએ કેટલા ગુણ આપ્યા છે તે જાણવાની તાલાવેલી જાગી. જયના પપ્પા ભલે સામાન્ય પરિસ્થિતિના હતા પણ પુસ્તકોના અભ્યાસથી તેઓ પોતાના પુત્રનો સાવ જુદી રીતે જ ઉછેર કરી રહયા હતા. દર વર્ષે જયનું સાત જુદા જુદા વિષયોનું વાર્ષિક મૂલ્યાંકન કરી સો ગુણની પરીક્ષાની જેમ જ તેના માર્ક આપતા.આ અનોખી માર્કશીટમાં ઉપર જયનું નામ… ઉંમર અને તેની નીચે વિષયોના નામ લખી તેની સામે મેળવેલ ગુણ લખેલા હતા.. દરેક વિષયની નીચે વિસ્તારથી જવાબ લખેલો હતો. વિષય પહેલો : પોતાની વસ્તુઓની દરકાર મેળવેલ ગુણ – ૯૧ જય તારી વસ્તુ પ્રત્યેની દરકાર ઘણી સારી છે, તારી દરેક ચોપડીઓના પૂંઠા અને તેની સંભાળ સરસ રીતે કરી છે… તારો કબાટ તું વ્યવસ્થિત રીતે રાખતા તું શીખી ગયો છું. તારી દરેક વસ્તુઓ તેના સ્થાને મુકવાની આદત સુધરી છે.. પણ આ વર્ષે તું સાયકલ પ્રત્યે સહેજ બેધ્યાન હતો… તેની સાફસફાઇ, કુલ નવ વાર થયેલ પંચર ( ગયા વર્ષ કરતા ત્રણ વાર વધારે ), તારાથી એક જોડ ચંપલ અને ચાર પેન, એક પેન્સિલ ખોવાયેલ છે જેના કારણે નવ માર્ક કપાયા છે. વિષય બીજો : પોતાની સારસંભાળ મેળવેલ ગુણ : ૯૫ બેટા જય આ વખતે તારી બોર્ડની પરીક્ષાની સાથે તારા આરોગ્યની સંભાળ સારી રીતે કરી છે. બહારના જંકફૂડ ખાવાની એકવાર પણ જીદ કરી નથી. તેં આ વર્ષે તારા કપડાના બટન જાતે લગાવવાનું શીખી લીધું… સમયસર જાતે વાળ કપાવી નાંખે છે.. પણ જમીને હજુ થાળી નહી ઉપાડવાની તારી આદત નથી બદલાઇ. સવારે ઉઠ્યા પછી તારી પથારી હજુ તારી મમ્મીએ જ ઉઠાવવી પડે છે જેના કારણે તારા પાંચ ગુણ ઓછા થયા છે. વિષય ત્રીજો : ઘરની જવાબદારી મેળવેલ ગુણ : ૮૫ અમને ખ્યાલ છે કે આ વર્ષે અભ્યાસનું વર્ષ છે એટલે ઘરની જવાબદારી શક્ય નહોતી… રૂમમાંથી બહાર નીકળતા પંખાની સ્વિચ બંધ ન કરવી…. સવારે ચકલીને ચણ નાખવાનું તારા ટ્યુશનને લીધે ઘણીવાર ભૂલી જતો…નિયમિત પ્રાર્થના ન કરવી, ન્હાતી વખતે વધુ પાણીનો ઉપયોગ કરવો જેવી કાયમી ભૂલોને લીધે આ વર્ષે પંદર માર્ક ઓછા છે. વિષય ચોથો : મિત્રો સાથેનો વ્યવહાર મેળવેલ ગુણ : ૯૦ આમા તો તારા મિત્રો તરફથી કોઇ ફરીયાદો નથી પણ તારા અંગત મિત્ર રાકેશ સાથે તારે ત્રણ વાર ઝઘડો થયો હતો. તમારા બે મહિના સુધી અબોલા રહેલા. જય બેટા.. વાંક ભલે ગમે તેનો હોય પણ મિત્રતાના એક છેડે આપણે ઉભા છીએ જેથી ક્યારેક જતુ કરીને મિત્રતા નીભાવવી. વિષય પાંચમો : સમય પાલન મેળવેલ ગુણ : ૯૯ જય… આ વિષયમાં તું હંમેશા અવ્વલ રહ્યો છે.. તેં તારા ટાઇમ ટેબલ મુજબ સતત કાર્ય કર્યુ છે… અને બેટા ધ્યાન રાખજે જે વ્યક્તિ પોતાના સમયને સમજે છે અને સાચવી લે છે તેના જીવનની દરેક પરીક્ષાનું પરિણામ શ્રેષ્ઠ જ હોય છે.વિષય છઠ્ઠો : પરસ્પર નો પ્રેમ મેળવેલ ગુણ : ૧૧૧ જય… આ એક વિષયમાં તારી મમ્મીએ માર્ક આપ્યાં છે… તારી મમ્મીએ કહ્યું છે મારા જયને ૧૦૦માંથી ૧૧૧ માર્ક આપજો. તેને કહ્યું છે કે જય કાયમ પહેલો નંબર લાવે છે છતાંય તેને ક્યારેય બીજા સુખી ભાઇબંધો સાથે પોતાની સરખામણી નથી કરી… બાઇક કે મોબાઇલ લેવાની ખોટી જીદ નથી કરી. અમે તને બીજાના મમ્મી-પપ્પા જેવી સુવિધાઓ પણ નથી આપી શક્યા છતાં ક્યારેય કોઇ ફરીયાદ નથી કરી. વાંચતા વાંચતા ઉંઘ ન આવે માટે ઘરમાં દૂધ ન હોય તો રાત્રે પાણી, ચા અને ખાંડ ગરમ કરીને વગર દૂધની ચા પીને તું ઘણીવાર અમને સુતા મુકીને જાગતો રહ્યો છે અને વાંચતો રહ્યો છે. તારા વિદાય સમારંભ વખતે તને મળેલ એલાર્મ ક્લોક તેં સામેવાળાં રમણિકકાકાને આપી દીધેલી કારણ કે તેમને ઘણીવાર વહેલા ઉઠવામાં તકલીફ પડતી.. આ બધુ સમજી તારી મમ્મીએ તને સો વત્તા અગિયાર માર્ક વધારાના આપ્યાં છે..એટલે તને કુલ છસોમાંથી ૫૭૧ માર્ક્સ મળે છે. અર્થાત ૯૫.૧૬%… અભિનંદન… બેટા જય… તું અમારો જીગર જાન ટુકડો છે… આપણે પરસ્પરનો પ્રેમ સાચવવો અને એકમેકના જીવનની જરુરિયાત સમજવી તે તું ખૂબ સારી રીતે સમજ્યો છે. તારી મમ્મી છે તે ક્યારેય પોતાના દિકરાના માર્ક કાપી ન શકે… પપ્પા કઠોર બની શકે… માં નહી…! બેટા… જીવનનાં આ વિષયોમાં કાયમ વધારે ને વધારે માર્ક લાવવાનો પ્રયત્ન કરજે… આજે ઉપરના વિષયો તને કદાચ નાના કે બિનજરુરી લાગતા હશે પણ તે તને ઉજ્જ્વળ ભવિષ્ય તરફ ચોક્કસ લઇ જશે. વિષય સાતમો : વાલી તરીકે અમારી ફરજ આપવાના ગુણ : ___ બેટા જય… આ વર્ષે આ જુદો વિષય ઉમેર્યો છે… આ વિષયમાં તારે અમારું મુલ્યાંકન કરવાનું છે.. તારે પણ અમને સોમાંથી માર્ક આપવાના છે કે અમે અમારી જવાબદરીનું કેટલું વહન કરી શક્યા છીએ. અમે તને કેટલીયે સગવડો નથી આપી શક્યા… તારી સ્કુલ કે કોઇ સમારંભમાં અમે હાજર રહી નથી શક્યાં… અરે તારા વિદાય સમારંભમાં તારે નવું જીન્સ લેવું હતું પણ મેં તને નહોતું ખરીદી આપ્યું. તારે પ્રવાસમાં જવાનું હતું પણ મમ્મીને ખૂબ ચિંતા હતી એટલે અમે ના કહેલી… બેટા… અમારી પણ મર્યાદાઓ છે… તારા આપેલા માર્કથી અમે પણ અમારામાં રહેલી ખામીઓ શોધી શકીશું અને આવતા વર્ષે અમારા માર્ક વધે તેવા પ્રયત્નો કરીશું. અને જયે તો તરત જ આ છેલ્લા વિષયમાં ૧૨૧ માર્ક આપીને નીચે લખી દીધું. વ્હાલા મમ્મી-પપ્પા, તમે એમ ન સમજશો કે તમે મને કાંઇ નથી આપ્યું. તમે મને જે આપ્યું છે તે આ દુનિયાના કોઇપણ મા-બાપે કદાચ તેના દિકરાને નહી આપ્યું હોય…! તમે આ અનોખી માર્કશીટ આપીને મારા જીવનની અનોખી સમજણ આપી છે જે મારા સ્કુલના વિષયોમાં ક્યારેય નથી મળતી. વિષયોમાં માર્ક લાવવાની સાથે વ્યવહારમાં પણ કેવી રીતે સારા માર્ક લાવવા તે તમે મને આ રીતે શીખવ્યું છે. તમે મને આ રીતે જ દર વર્ષે અનોખી માર્કશીટ આપતા રહેજો હું પણ સામે તમને મારી દરેક માર્કશીટ વધુ સારી બનાવવાનું પ્રોમિસ આપું છું. સ્ટેટસ સદગુણની પાછળ પરીક્ષાના ગુણ ખેંચાઇને આવે છે… જેમ સૂર્યનો પ્રકાશ ચો-તરફ વહેંચાઇને આવે છે...

બાળકોના રીઝલ્ટ ફેસબુક ઉપર મુકતા વાલીઓ માટે ખાસ

બાળકોના રીઝલ્ટ ફેસબુક ઉપર મુકતા વાલીઓ માટે ખાસ. વ્યક્તિનું જે કાર્યક્ષેત્ર હોય એના માર્ક્સ પરિણામ સ્વરૂપે જાહેર કરવા એ યોગ્ય નથી. દા.ત. એક પુરુષ તરીકે આપણને આપના વડીલ માર્ક્સ આપે. કેટલા નું ટર્ન ઓવર કર્યું 75% કેટલો નફો કર્યો 45 % ઉઘરાણી ના માર્ક્સ 50 % નવા ગ્રાહકો બનાવ્યા કે નહીં 80% ધધા સાથે પરિવારને સમય આપ્યો 42% અને સ્ત્રી તરીકે આપણા સાસુ માર્ક્સ આપે. મહેમાનને હસતા આવકાર આપો છો 55% ફરવામાં રસ છે 90% કચરા પોતા ની ક્વૉલિટી 70% સાસુને વડીલોને સન્માન 32% બાળકોનું ધ્યાન 85% નવું શીખવા માં રસ 30% વિચારો કે આપણા કાર્યક્ષેત્ર નું આવું રીઝલ્ટ ફેસબુક ઉપર કોઈ મૂકે તો??? ભણતર એ બાળકનું અંગત કાર્યક્ષેત્ર છે. એ જાહેરાત નો વિષય ન જ હોય શકે. રિઝલ્ટ આપણા બાળકનું હોય કે બીજાનું, બાળકોના સાઈકોલોજિસ્ટ ના મતે રીઝલ્ટ હંમેશા બાળકના મનમાં કાતો અપમાન અથવાતો હોશિયાર રહેવાનું પ્રેશર જ પેદા કરે છે. એક વાત ક્યારેય ન ભૂલવી કે ભારતમાં દર વર્ષે અંદાજે અધધ.. 65000 જેટલા વિદ્યાર્થીઓ ભણતર અને રિઝલ્ટના પ્રેશરથી આત્મહત્યા કરે છે. અને સમજવા જેવી બાબત એ છે કે ક્યારેય 35% વાળા આત્મહત્યા કરતાજ નથી. આપણા દ્વારા હોશિયાર બાળક ના રિઝલ્ટનું ફેસબુક અને અન્ય જગ્યાએ થયેલ પ્રદર્શન અને એના લીધે સમાજમાં એ બાળક કેટલું હોશિયાર છે એવી ઉભી થયેલી એની છાપ ના લીધે જ બાળકને 5-10 માર્ક્સ ઓછા આવતા ઘર અને સમાજને ફેસ કરવા કરતા એને તાપીમાં પડી જવું કે પંખા પર લટકી જવું વધુ સરળ લાગે છે. આ કોઈને હર્ટ કરવા નહીં પરંતુ બાળકને હર્ટ થતું અટકાવવા માટે છે. બાળકોના ઉછેર માટે મારુ આવું મંતવ્ય છે કે બાળકના ખરાબ રીઝલ્ટમાં અફસોસ વ્યક્ત કરવો નહીં તેમજ ખાસ ...સારા રિઝલ્ટને જાહેરમાં પ્રદર્શિત કરવું નહિ કે ખૂબ ઉત્સાહ બતાવી ગામને પાર્ટીઓ આપવી નહી. અત્યારના સમયમાં એ ખૂબ જરૂરી છે કે બાળકને સ્પષ્ટ એવો મેસેજ જવો જ જોઈએ કે મારા માતા પિતા માટે હું મહત્વનો છું મારું રીઝલ્ટ નહીં...